Triplet i begatshëm shqiptaro-spanjoll

(Vështrim për romanin “Spanjës me dashuri” nga Elvi Sidheri)
Librin “Spanjës me dashuri” ma dhuroi Elvi në një takim miqësor kur ia dhurova “Siç mendon njeriu”, librin e parë që e kam përkthyer e që është botuar nga Pema. Nisa ta lexoj posa m’u dha rasti. Isha tu e lexu në ndërkohë edhe librin e Gandit “Jeta ime” (po nga Pema), por ky libër ishte roman tërheqës dhe e kreva më shpejt.

I butë me mu’ (Adele: Easy on me)

S’ka ar n’këtë lumë
Ku i kâm la du’rt gjithmonë
E di se ka shpresë n’këto ujëra
Po s’po muj m’e shti veten me notu
Gjersa mbytem në këtë heshtje
Zemër, lem brenda

[Refreni]
Ji i butë me mu’, zemër
Isha ende fëmijë
S’e pata rastin m’e ni botën rreth meje
S’pata kohë m’e zgjedhë atë që zgjodha m’e bâ
Pra ji i butë me mu’

M’rri përkrah (Ben E. King: Stand by Me)

Kur nata t’ketë ra
Dhe toka terrohet
Dhe hana âsht e vetmja dritë që e shohim
Jo, s’kâm m’u tutë
Oh, s’kâm m’u tutë
Përderisa ti m’rri, m’rri përkrah

101 afirmimet më të mira të Louise Hay

“Kam ardhur në këtë planet të mësoj ta dua veten më shumë,
dhe ta ndaj atë dashuri me krejt ata që më rrethojnë.” (Louise Hay)

Louise Hay ia kushtoi jetën mësimit të njerëzve si të jetojnë jetë pozitive dhe të fuqizuar, shpesh me ndihmën e deklarimeve dhe besimeve pozitive, të cilat i quante afirmime (pohime). Louise mësonte se pika jote e fuqisë është gjithmonë në momentin e tanishëm, ku ti i mbjell farat mendore për krijimin e përjetimeve të reja. Ti nuk ngec kurrë, se mund të zgjedhësh mendime të reja dhe mënyra të reja të të menduarit. E ardhmja jote mund të jetë gjithnjë e më pozitive, më dashëse dhe më e begatë. Mendo se qysh kishe dashtë me jetu dhe çka kishe dashtë me arritë gjersa i lexon afirmimet me zë.

Shpresojmë që këto afirmime pozitive nga Louise Hay sjellin rehati, begati, shërim dhe dashuri në jetën tënde siç na kanë sjellë të gjithëve.

Shkarkoje botimin këtu: 101_afirmimet_Louise_Hay.pdf

Kujtimet (Maroon 5: Memories)

Qe ni dolli për ata që i kemi
Gëzuar për dëshirën t’ishit këtu, po s’jeni
Se pijet i rikthejnë krejt kujtimet
E gjithçkaje nëpër t’cilën kemi kalu

Dolli për ata që janë këtu sot
Dolli për ata që i humbëm rrugës
Se pijet i rikthejnë krejt kujtimet
E kujtimet rikthejnë, t’rikthejnë ty

Rrushe: serial i thellë vetëdijesues me episode torturuese

Serialin Rrushe ia nisa me kqyrë spontanisht me familje. Nuk kâm pritë vdekje në pothuaj çdo episod. E rândë, por kur hyn në valle…
Megjithatë, përkundër kompresimit të shumë ngjarjeve e vijave, përgjithësisht çdo gjë ishte e arsyeshme. Skenari i përfshin temat kryesore të Kosovës së para-luftës e të pas-luftës, kontinuumin ndërmjet ekstremeve nga profiteri e oportunisti deri te heroi vetëmohues e flijues pa kushte, të gjitha grupmoshat kryesore dhe profesionet e ndershme e të pandershme të shoqërisë.

Ethet (Ed Sheeran: Shivers)

M’rroki ni shigjetë n’zemër
Kurrë s’kâm puthë buzë me shije si tândën
Dredhëza dhe diçka ma shumë
Uh, po, i du krejt

Buzëkuq n’kitarën tem’ (Uh)
Mushe rezervuarin, mujmë me vozitë fort larg
Vallëzo nën yje
Uh, po, i du krejt
Mmm, m’bâne m’u ni se

Dashuru prapë (Dua Lipa: Love Again)

Kurrë s’kâm menu se kâm me gjetë rrugëdalje
Kurrë s’kâm menu se kâm me ni zemrën tu m’rrehë kaq fort
S’po muj me besu që n’gjoks m’ka metë hala najsen
Po mallku qoftë, m’shtine m’u dashuru prapë

Kujtojsha që jâm pej guri
Kalojsha kaq shumë net vetë
Kurrë s’e kâm ditë që hala e kâm n’gjak me vallëzu
Po mallku qoftë, m’shtine m’u dashuru prapë

Abdel Halim për përkthimin e Kuranit

Stili i përgjithshëm

Ky përkthim synon të shkojë më larg se veprat e mëparshme në saktësi, qartësi, rrjedhë dhe aktualitet të gjuhës. Është shkruar në stil bashkëkohor, të lehtë, duke e shmangur aty ku ka qenë e mundur përdorjen e gjuhës kriptike apo të arkaizmave që priren ta errësojnë kuptimin. Synimi është që Kurani të bëhet i qasshëm për këdo që flet anglisht (përkatësisht shqip me këtë shqipërim), qofshin myslimanë apo jo. Mesazhi i Kuranit ishte, në fund të fundit, i adresuar drejtpërdrejt të gjithë njerëzve pa dallim në klasë, gjini a moshë: ai nuk mbështetet në arkaizma apo gjuhë pompoze për efekt. Megjithëse gjuha e këtij përkthimi është e thjeshtë dhe e drejtpërdrejtë, shpresojmë se nuk zbret në nivel të paduhur.

Thomas Cleary për Kuranin

Kurani njihet universalisht si libri i shenjtë i Islamit, feja e nënshtrimit ndaj vullnetit të Zotit. Kapitujt dhe vargjet në këtë vëllim të ekstrakteve nga Kurani janë zgjedhur për ta formuar një rruzare të leximeve dhe recitimeve që synojnë ta njoftojnë lexuesin jo-mysliman me urtinë thelbësore, bukurinë dhe madhështinë e këtij libri të shenjtë.

Kurani është në mënyrë të pamohueshme libër me rëndësi të madhe madje edhe për jo-myslimanët, mbase sot më shumë se kurrë, nëse kjo është e mundur. Një aspekt i Islamit që është i papritur e megjithatë tërheqës për mendjen sekulare post-kristiane është ndërloja harmonike e besimit dhe arsyes. Islami nuk kërkon besim të pa-arsyeshëm. Në vend të kësaj, fton për besim inteligjent, që del nga vëzhgimi, reflektimi dhe zhytja në mendime, duke filluar me natyrën dhe atë që është kudo rreth nesh. Prandaj, antagonizmi midis fesë dhe shkencës si ai që është i njohur për perëndimorët është i huaj për Islamin.