Dokument për Vëllazërinë Njerëzore

DOKUMENT PËR

VËLLAZËRINË NJERËZORE

PËR PAQEN BOTËRORE DHE TË JETUARIT SË BASHKU

HYRJE

Besimi e shtyn një besimtar ta shohë te tjetri një vëlla apo motër që duhet të përkrahet e të duhet. Përmes besimit në Zotin – I Cili e ka krijuar gjithësinë, krijesat dhe të gjitha qeniet njerëzore (të barabarta për shkak të mëshirës Së Tij) – besimtarët ftohen ta shprehin këtë vëllazëri njerëzore duke e mbrojtur krijimin dhe tërë gjithësinë dhe duke i përkrahur të gjithë personat, veçanërisht më të varfrit dhe ata që kanë nevojë më së shumti.

Vazhdoni leximin

I pamposhtun (William Ernest Henley: Invictus)

(Gegë. Për versionin në standard letrar shih më poshtë.)

Përtej natës që m’mlon,
e zezë si gropa nga poli n’pol
falënderoj çfarëdo zota që mujnë me kânë
për shpyrtin tem t’pamposhtshëm.

N’shtrëngimin e ramë t’rrethanave
s’jâm përkulë as s’kâm kajtë me zâ.
Nën goditjet e fatit
kryet e kâm me gjak, po t’papërkulun.

Vazhdoni leximin

Tao Te Çing sipas Wayne Dyer

“Tao Te Çing sipas Wayne Dyer” i përmban 81 poemat e Tao Te Çing (Tao Te Ching) nga libri “Change your thoughts, change your life: Living the wisdom of the Tao” dhe disa përzgjedhje të interpretimeve të Wayne Dyer. Po ashtu tek interpretimet janë vendosur edhe titujt e përkthimit të Thomas Cleary (“The essential tao”).

Shkarkoje këtu: Tao_Te_Ching_sipas_Wayne_Dyer (shkarko pdf)

Fol shqip [në]se je shqiptar

Gjergj Fishta, në 1900tat e hershme na i len amanet këto vargje:

Pra, mallkue njai bir Shqyptari,
qi këtë gjuhë të Perëndis’,
trashigim, që na la i Pari,
trashigim s’ia len ai fmis;
edhe atij iu thaftë, po, goja,
që përbuzë këtë gjuhë hyjnore;
qi n’gjuhë t’huej, kur s’asht nevoja,
flet e t’veten e lèn mbas dore.

Në nëntor të 2013tës ka dalë në youtube dhe nëpër media kënga “Fol shqip” (Artiola & Poni):

Vazhdoni leximin

Esenca e Gitës (Bhagavad Gita) dhe hyrjet e kapitujve

       …Krishna e formulon këtë më së bukuri në vargjet e famshme të Kapitullit 9 që nisin: “Çkado që bën, ma bëj dhuratë mua” (9:27). Bëje, domethënë, jo për shpërblim personal por nga dashuria për Zotin, prezent në çdo krijesë. “Çkado që ha, çfarëdo adhurimi që bën, çkado që jep, çkado që vuan”: gjithçka të bëhet e të jepet e të durohet e të shijohet për hir të Zotit në krejt, jo për veten. Manmana: ky është refreni i Gitës. Krishna i thotë vazhdimisht Arxhunës: “Mbushe mendjen me mua, fokusoje çdo mendim në mua, mendo për mua gjithmonë”; pastaj “do të jesh i bashkuar me mua” (shih 9:34). E njëjta urdhëresë iu dha Musait (Moisiut) dhe u përsërit nga Jezusi (Isai) dhe Muhamedi. Në terma praktikë, domethënë se vetëdijesia do të integrohet teposhtë deri në skutat më të thella të pavetëdijes, që është pikërisht rëndësia e fjalës joga

Shkarkoje pdf:

Vazhdoni leximin